Hættu að hanga!
Félagar í UMSB sækja gestabækurnar
Félagar í UMSB sækja gestabækurnar
Eftir vel heppnað göngusumar hjá Ungmennasambandi Borgarfjarðar er komið að því að ljúka verkefninu,,Fjölskyldan á fjallið" og ná í gestabækurnar sem hafa verið uppi á Varmalækjarmúla og Þyrli í sumar.
Fyrirhugað er að halda á Varmalækjamúlann kl. 18.00 föstudaginn 15. október frá Múlakotsmelunum fyrir ofan Fossatún og á Þyril daginn eftir eða kl. 11.00 frá olíutönkum Olíudreifingar í Litlasandsdal fyrir ofan Hvalstöðina.
Allir eru hvattir til að mæta og ganga, vera með og nýta síðasta tækifærið til að skrifa nafn sitt í gestabækurnar!
Góð þátttaka virðist hafa verið í verkefninu ,,Fjölskyldan á fjallið" víðs vegar um land í sumar og fólk duglegt að skrá nöfn sín í gestabækurnar.